წმიდა ნინოს წყარო ბოდბის მონასტრიდან დაახლოებით 3 კმ-ში მდებარეობს. გადმოცემის მიხედვით, ის წმიდა ნინოს ლოცვით აღმოცენებულა. ამიტომაც ეწოდება წმიდა ნინოს წყარო. ამ წყალში განბანვის შემდეგ უამრავი სულიერად და ფიზიკურად დავრდომილი ადამიანი განკურნებულა.

თამარ მეფის სახელობის ეკლესია სიღნაღში ახალი აშენებული ბაზილიკური ტიპის სალოცავია, რომელიც მდებარეობს 9 აპრილის ქუჩაზე. 

16 ს.-ის ძეგლი მდებარეობს სოფელ ზემო ნუკრიანი აღმოსავლეთ ნაწილში სასაფლაოზე. თბილისი სიღნაღის გზატკეცილის პირას, მარცხენა მხარეზე. ტაძრის სიმაღლე დაახლოებით 8-10 მეტრია. ტაძარი აგებულია რიყის ქვითა და ქართული აგურით, რომელიც ერთმანეთს ენაცვლება. ტაძარი მოთუთიებული თუნუქით არის გადახურული.  

წმ. სტეფანეს ეკლესია აშენებულია 1762 წელს, რომელიც ჩაშენებულია სიღნაღის გალავნის ყველაზე დიდ ბურჯში, წმ. სტეფანეს ეკლესია ერთ-ერთი ყველაზე საინტერესო ძეგლია სიღნაღში საიდანაც იშლება ულამაზესი ხედი ქალაქ სიღნაღის, ალაზნის ველის და კავკასიონის. 

მდებარეობა - კახეთი, ქ. სიღნაღიდან 3 კმ.
კომპლექსში შემავალი ობიქტები: სამნავიანი ბაზილიკა, სამრეკლო, გალავანი, წმ. ნინოს წყარო, ახალ წმ. ნინოს სახელობის ტაძარი, მონაზონთა სენაკები.
აშენების თარიღი - სამნავიანი ბაზილიკა - VIII-IX სს.
მანძილი თბილისიდან - 113 კმ
სიმაღლე ზღვის დონიდან - 750 მ.

სიღნაღის ციხე აგებულია 1762 წელს ერეკლე მეფის მიერ. მას 40 ჰა ფართობი უჭირავს. გალავნის სიგრძე 4 კილომეტრამდეა. მას აქვს 23 კოშკი და 6 თაღოვანი კარიბჭე. ყველა თავის სახელს ატარებდა სოფლების მიხედვით.

XVIII საუკუნეში სიღნაღის ციხე-გალავნის შიგნით წმიდა გიორგის სახელობის ქართული მართლმადიდებლური ეკლესია მდებარეობდა. გადმოცემის თანახმად, მას შემდეგ, რაც ერეკლე II-მ აქ სომხები ჩამოასახლა, სხვადასხვა პრივილეგიებთან ერთად სალოცავად ეს ტაძარიც გადასცა, რის შემდეგაც მას სუფ გეურქის (ანუ წმიდა გიორგის) ეკლესია ეწოდა.